अज मेरा जी करदा
मैं जाई पहाड़ा वस्सा.
बैठी दोस्तां ने खिड़ खिड़ हस्सा.ब्यासा वन्ने वंगलो वो मेरा
वांसुरिया दी मीठी धुन वो छेड़ा.
पारे-पारे मोर नच्चे
उयारे-उयारे मैं वो वज्जा.
अज मेरा जी करदा
मैं जाई पहाड़ा वस्सा.
बैठी दोस्तां ने खिड़-खिड़ हस्सा.
खण्डा-वनखंडा लंगदी ट्रेनां.
दिख्खी मैं वो मचलां .
निक्यां-निक्यां खेतरा
हरियां भरियां फसलां.
मोड़ा आलया रोड़ा
दौड़दियां वस्सा.
अज मेरा जी करदा
मैं जाई पहाड़ा वस्सा.
बैठी दोस्तां ने खिड़-खिड़ हस्सा.
पहाड़ लगे मिजो बड़ा सौआं
धुप ता कदी वदला दी छौआं .
किणियां दी छमकारा
करदियां बर्फिलियां धारा.
हिमालय पर मैं
धुरुए संग नच्चां .
अज मेरा जी करदा
मैं पहाड़ा वस्सा.
बैठी दोस्तां ने खिड़-खिड़ हस्सा. . अजनवी
1 टिप्पणी:
good
एक टिप्पणी भेजें