मवारक तिजो गैरा दियां वुकलां-वाहां.
वत्ता-संदा संगदी-शर्मादी'
भोले जे दिले जो थी भरमादी.
वसाया वो तिजो असा ओंदे-जांदे साहां.
वदली वो लै तें रस्ते-राहां.
मवारक तिजो गैरा दियां वुकलां-वाहां.
असां दे दिलें नदिया साई वहदिए.
हुण लोकां कने रहदिए.
असां दे पल्लें रही वो गइयां आहां.
वदली वो लै तें रस्ते-राहां.
मवारक तिजो गैरां दियां वुकलां-वाहां.
तोड़ी सटियां ते प्यारा दियां डोरा.
चली गई दूर तू असां लांदे रहे दौड़ा.
असां दी करी वो दिति धूड.-स्वाहा.
वदली वो लै तें रस्ते- राहां.
मवारक तिजो गैरां दियां वुकलां- वाहां.
अजनवी
कोई टिप्पणी नहीं:
एक टिप्पणी भेजें