पारलिया धारां'
घिरियां जे वदलियां.
ओंदियां किणियां
दियां वौछारा पोदियां.
सीजी वो गइयां'
भीजी वो गइयां.
वाँई पर खड़ियां -खड़ियां.
सोणे दियां लगियां रिमझिम झड़ियां
रस्तें-वाटा पाणी;
हाटा-घराटा पाणी.
उफणदी ब्यास'
वोलदी आकाशवाणी.
वूदां दी ताल ने बजदा
तराना सइंयां चल छइयां-छइयां.
सीजी वो गइयां
भीजी वो गइयां
गलुए टयाले खड़ियां-खड़ियां
सोणे दियां लगियां रिमझिम झड़ियां
छो लगदे उचड़े कुआलू
छतरी लई डंगरेयां चरादे गुआलू
नालुयां कने चलयां पुल वणदे जगाड़ू
चीफलेयां रस्तेयां चलदे पकड़ी ने वइयां.
सीजी वो गइयां '
भीजी वो गइयां .
नौणे पर खड़ियां-खड़ियां.
सोणे दियां लगियां रिमझिम झड़ियां.
अजनवी
कोई टिप्पणी नहीं:
एक टिप्पणी भेजें